Huawei ოფიციალურ განცხადებას ავრცელებს
ტექნოლოგების კორპორაცია Huawei დონალდ ტრამპისა და Google-ის გადაწყვეტილებაზე ოფიციალურ განცხადებას ავრცელებს.
“მომხმარებლის ინტერესებიდან გამომდინარე გვინდა კიდევ ერთხელ განვმარტოთ, რომ ამ დრომდე გამოსულ სმარტფონებზე და პლანშეტებზე უცვლელად გაგრძელდება Google-ის უსაფრთხოების სისტემების განახლება და სხვა მომსახურების გაწევა. ასევე, ჩვენს მომხმარებლებს არ შეეზღუდებათ წვდომა Google-ის სერვისებზე, როგორებიც არის Google Play, Gmail და სხვა.
ცვლილება არ შეეხება EMUI-ის განახლებებსაც და ის მომავალშიც გაგრძელდება.
ჩვენ განვაგრძობთ Android-თან თანამშრომლობას და კვლავაც პრიორიტეტული რჩება Android-ის ეკოსისტემის გამოყენება”, - ნათქვამია გავრცელებულ განცხადებაში.
